រថយន្តបុករថយន្តបណ្តាលឲ្យមនុស្សរបួសធ្ងន់ស្រាល៣នាក់
22-November-2019 | ដោយ ពលមនសិការ
កំពង់ឆ្នាំង៖ កាលពីយប់ថ្ងៃទី២១ ខែវិច្ឆិកា ឆ្នាំ២០១៩ វេលាម៉ោង០០និង៣០នាទី មានករណីគ្រោះថ្នាក់ចរាចរណ៍មួយកើតឡើងនៅចំណុចផ្លូវកោងផ្លូវជាតិលេខ៥ ចន្លោះបង្គោលគីឡូម៉ែត្រលេខ៦០-៦១ ស្ថិតក្នុងភូមិក្រសះថ្មី ឃុំឈូកស ស្រុកកំពង់ត្រឡាច ខេត្តកំពង់ឆ្នាំង រវាងរថយន្តម៉ាក NISSAN ពណ៌ត្រួយចេក ពាក់ស្លាកលេខ ភ្នំពេញ បាត់ដំបង 3B-2131បើកបរដោយឈ្មោះ វ៉ាន់ សៀរ ភេទ ប្រុស អាយុ២៦ឆ្នាំ ជនជាតិខ្មែរ រស់នៅភូមិសុភី២ ឃុំរតនៈ ក្រុងបាត់ដំបង ខេត្តបាត់ដំបង បានបើកបរពីទិសខាងត្បូងឆ្ពោះទៅទិសខាងជើង ពេលមកដល់ចំណុចកើតហេតុ អ្នកបើកបររថយន្តខាងលើបានងោកងងុយដេក ហើយក៏រេចង្កូតមកបុកនឹងរថយន្តម៉ាក HYANDAI ពណ៌ខៀវ ពាក់ស្លាកលេខ ភ្នំពេញ 2W-4453 បើកបរពីទិសខាងជើងឆ្ពោះទៅទិសខាងត្បូង ក្នុងដំណើរច្រាស់ទិសគ្នា បើកបរដោយឈ្មោះ យឿន ពេជ្រ ភេទប្រុស អាយុ២២ឆ្នាំ ជនជាតិខ្មែរ រស់នៅភូមិបាក់ព្រីង ឃុំស្នាមព្រះ ស្រុកបាកាន ខេត្តពោធិ៍សាត់ និងអ្នករួមដំណើរម្នាក់ឈ្មោះ សេង ស្រីពៅ ភេទស្រី អាយុ២៥ឆ្នាំ ជនជាតិខ្មែរ រស់នៅភូមិត្រពាំងពោធិ៍ ឃុំពង្រ ស្រុករលាប្អៀរ ខេត្តកំពង់ឆ្នាំង។
ក្នុងករណីគ្រោះថ្នាក់ចរាចរណ៍នេះ បានបណ្តាលឲ្យរបួសមនុស្ស៣នាក់ ស្រី១នាក់ របួសធ្ងន់ ២នាក់ (ប្រុស)របួសស្រាល១នាក់ (ស្រី) និងខូចរថយន្ត ២គ្រឿងធ្ងន់។ វត្ថុតាងត្រូវបានសមត្ថកិច្ចជំនាញយកមករក្សាទុកនៅអធិការដ្ឋាននគរបាលស្រុកកំពង់ត្រឡាច ៕
ចំនួនអ្នកទស្សនា
- ថ្ងៃនេះ2821
- ម្សិលមិញ20231
- សប្តាហ៍នេះ81901
- ខែនេះ103781
- ឆ្នាំនេះ103781
- សរុប20546237